2026 Fifa World Cup qualifiers table: How kontris stand for African World Cup qualifying group – BBC.com

Wia dis foto come from, Getty Images
Nigeria drop points again while Egypt maintain dia 100% record for di 2026 Fifa World Cup qualifiers.
Aston Villa midfielder Trezeguet score twice to give Egypt a 2-0 win ova nine-man Sierra Leone.
Meanwhile, Nigeria draw 1-1 away against Zimbabwe afta Leicester City forward Kelechi Iheanacho equalise for di second-half equaliser for di visitors.
Also, Algeria and Gabon extend dia 100% records, while Sudan register a shock win ova DR Congo.
Nine group winners go book di place from di African qualifiers, for di 2026 finals wey go happun for Canada, Mexico and United States.
End of Recommended articles
Di Africa qualifiers go kotinu on Monday, Ivory Coast and Mali dey among di 12 sides wey go play.
Pressure dey grow for boss Jose Peseiro heaf sake of Nigeria two points afta two games, Di Super Eagles dey a point behind Group C leaders South Africa, wey go travel go Rwanda on Tuesday.
Algeria don win two of dia matches for di qualifiers, dem beat Mozambique 2-0 for Maputo, wit second half goals from Fares Chaibi and Ramiz Zerrouki wey silence di hosts, wey bin dey press di visitors before di break.
Di North Africans dey three points clear at di top of Group G.
Gabon also make am two wins from two wit a 2-1 Group F victory away against Burundi for neutral ground for Dar es Salaam.
Jim Allevinah and Denis Bouanga goals help di Panthers win 2-0. Na Gabon dey siddon on top Group F.
Meanwhile, na own goal extend Sudan dia unbeaten start for Group B as dem upset DR Congo 1-0 for Benghazi, Libya.
Di only goal of di game come wit 11 minutes left wen Leopards goalkeeper Lionel Mpasi miscue im clearing punch from corner kick and di ball bounce back off midfielder Charles Pickel come enta inside di net.
© 2024 BBC. De external site no concern BBC. De way wey we de take go external link.

source